На 09.12.2025 година во 11:50 часот на улицата „Вељко Влаховиќ“ во Демир Хисар, полициски службеници од СВР Демир Хисар ги приведоа А.К. (44), К.К. (48) и В.Г. (50), сите од Република Бугарија, поради сомнение дека сториле кривични дела „кражба“ по член 235 и „извоз на стоки под привремена заштита или културно наследство или природни реткости во странство“ по член 266 од Кривичниот законик.
А.К. и К.К. биле пронајдени во патничко возило „Фолксваген Голф“ со бугарски национални регистарски ознаки, додека В.Г. бил пронајден во комбе „Пежо Боксер“ со бугарски национални регистарски ознаки, а кај нив биле пронајдени предмети и делови од народни носии, чие потекло не можело да се утврди.
Предметите биле прегледани од етнолог од Манастирскиот музеј и било утврдено дека се работи за делови од македонски народни носии кои претставуваат културно наследство и се забранети со трговија или продажба без нивна дозвола.
The post Приведени тројца бугарски државјани, осомничени за кражба на македонски народни носии appeared first on Во Центар.
