Приштина: Сопруг уби бремена жена што требало да се породи

Во дворот на Клиничкиот универзитетски центар, пред Гинеколошката клиника во Приштина, синоќа е убиена жена во деветтиот месец од бременоста.

Се сомнева дека ја убил нејзиниот сопруг.

Според портпаролката на полицијата за регионот на Приштина, Флоре Ахмети, жртвата била на 35-годишна возраст и 41 недела од бременоста.

Според очевидци, жената накратко се упатила до продавница, кога мажот ѝ пришол и ја застрелал. Иако веднаш паднала на земја, мажот продолжил да пука во нејзиното тело.

– Околу 18:00 часот добивме информација за мртво тело во дворот на Универзитетскиот клинички центар во Приштина. Полицијата веднаш излегла на местото на настанот, како и медицинската екипа која констатирала смрт на жртвата, жена на возраст од околу 35 години. Според првите информации, покренатите сомнежи сугерираат дека се работи за убиство – рече Ахмети.

Како што додаде таа, полицијата во координација со државниот обвинител започнала истрага и продолжува со преземање на сите истражни дејствија, со цел целосно расветлување на настанот.

Пронајдете не на следниве мрежи:©ПУЛС24.МК Вестите на интернет страницата на редакцијата ПУЛС24.МК може да се користат исклучиво за лично информирање. Без писмена дозвола од ПУЛС24.МК или посебен договор, не е дозволено преземање, користење или реемитување на вестите.