Ракчињата се одлични ако сакате нешто различно за ручек што брзо се подготвува. Гответе ги точно 15 минути и нема да бидат гумени.
Ракчињата се специјалитет кој може да се подготви на различни начини и генерално не се чистат, туку се варат во лушпата. Полесно се подготвуваат ако се во лушпа, затоа што има помали шанси да се преварат и да станат гумени, а она што е важно со овој рецепт е да ги исчистите пред да ги подготвите бидејќи ќе се динстаат во сосот. Ракчињата се служеле уште од античко време, а Хелените ги подготвувале завиткани во листови смокви.
Ви пренесуваме рецепт за ракчиња варени во зачинет доматен сос и сигурни сме дека ќе ви се допадне.
Потребни состојки:
1 лажица несолен путер
1 лажица маслиново масло
1 лажичка семки од зелен ким
½ лажичка семки од црн ким
1 лажичка рендан ѓумбир
4 домати
2 лажици доматно пире
¼ лажичка мелена куркума
½ лажичка чили во прав
450 гр исчистени ракчињаж
сол
за преливот:
½ лимон
2 лажички рендан ѓумбир
2 лажици сечкани листови коријандер
1 лута пиперка
Подготовка:
Во тавче растопете го путерот и сипете масло, потоа додадете го кимот и по една минута додадете го изренданиот ѓумбир. По 15 секунди додадете ги исечканите домати. Намалете ја температурата, истурете малку вода и мешајте додека не почне да врие. Додадете доматно пире, куркума, чили во прав и сол по вкус. Промешајте и варете уште 7-9 минути. Кога сосот малку ќе се згусне, додадете ги ракчињата и варете уште 3-4 минути со повремено мешање. Не преварувајте бидејќи ракчињата ќе станат гумени. Тргнете од шпорет, поклопете и оставете да отстои една минута. Украсете со парчиња лимета.
Пронајдете не на следниве мрежи:
