Ако ви требаат нови идеи за ручек, ова е вистинскиот рецепт за вас.
Рецепт за денес: Плескавици од тиквички и сланина
Потребни состојки:
2 тиквички
сол
бибер
2 јајца
50 грама сланина
млад кромид
120 грама брашно
10 грама прашок за печиво
кисела павлака
Начин на подготовка:
Изрендајте ги тиквичките. Посолете ги и оставете ги 20 минути за да пуштат вода. Исцедете ги и ставете ги во друг сад.
Изматете ги јајцата и додајте ги во тиквичките, а потоа додајте ги ситно сечканиот кромид, сланината и брашното.
Додајте бибер и прашок за печиво, измешајте ги сите состојки, пржете ги во маст сè додека не добијат златно-кафеава боја.
Откако ќе бидат готови, нанесете кисела павлака и посипете со малку млад кромид.
