Изјавата на градоначалникот Ристов за локалната ТВ „Кобра“ доаѓа по објавите на социјалните мрежи дека елката е украдена, откако неа и украсите вчера ги снема од центарот на градот иако две недели Радовиш беше новогодишно украсен.
-Во државата има две-три компании кои преку систем на одложување, недавање понуди, доаѓаат и инсталираат нешто и потоа ти доставуват фактура и велат или ќе ја платиш или ние ќе го раскрасиме градот. Едноставно се обидоа мене да ме уценат. Мене не може никој да ме уценува. Јас такви пари за украсување ниту ќе дадам, ниту тоа ќе го дозволам. Затоа им реков слободно соберете си го тоа што сте го направиле, Радовиш ќе биде украсен онако како што јас сум замислил и тоа ќе биде реализирано во наредните два дена, изјави градоначалникот Ристов.
Тој најави дека градот ќе биде украсен од донации и наместо една ќе има пет елки и за таа намена Општината нема да потроши ниту еден денар.
