„Кога кандидат однапред се исклучува без анализа на неговата програма и професионален пат, тоа отвора прашања за природата на критериумите што се применуваат.
Уверена сум дека избор од вакво значење мора да биде заснован на квалитет, а не на подобност“ вели меѓу другото во својата реакција обвинителката Ленче Ристоска која е кандидат за државен јавен обвинител, во врска со вчерашната изјава на премиерот Христијан Мицкоски дадена во телевизиско интервју, а во која тој вели дека „од четворицата кандидати за кои Советот на јавни обвинители даде позитивни мислење, на владината листа сега се три имиња, а меѓу нив не е и бившата обвинителка од СЈО, Ленче Ристоска“.
Ленче Ристевска не е во опција за државен јавен обвинител, тврди Мицкоски
Ристоска коментира дека „Професионалците во системот мора да знаат дека нивниот труд и стручност се единствената валута што треба да одлучува. Во спротивно, ризикуваме да испратиме порака дека без разлика на компетентноста, подобноста е примарна — а тоа не е патот по кој треба да се движи едно демократско општество”.
