Романскиот суд денеска ги потврди превентивните мерки против Калин Георгеску, екстремно десничарскиот кандидат на откажаните претседателски избори во Романија, во очекување на кривична истрага за обвиненијата кои вклучуваат промовирање антисемитизам.

Обвинителите минатиот месец официјално отворија кривична истрага за шест точки, вклучувајќи членство во фашистичка организација, промовирање воени злосторници и фашистички организации и пренесување лажни информации за финансирање на кампањата, пишува Ројтерс.

Георгеску ги негираше сите обвинувања.

Окружниот суд во Букурешт го отфрли неговото оспорување на превентивните мерки како „неосновани“, а истрагата дојде откако највисокиот суд во Романија ги поништи претседателските избори во декември поради наводите за руско мешање – што Москва ги негираше.

Превентивните мерки против Георгеску вклучуваат обврска да не ја напушта земјата, да не носи огнено оружје и да не објавува ксенофобични и антиксенофобични содржини во медиумите.