Роуан Аткинсон мајсторски го одигра ликот на мистер Бин.
Иако кариерата на Роуан Аткинсон е обележана со легендарни улоги во серии и филмови како што се „Black Adder“, „Love Actually“ и неодамнешниот хит на Нетфликс „Man vs. Baby“, за повеќето тој засекогаш ќе биде Мистер Бин. Во неодамнешно интервју, познатиот актер ја откри фасцинантната приказна за тоа како неговиот најпознат лик го добил своето име, пишува LADBible.
Погледнете ги фотографиите од Мистер Бин:
Пoтрага по име
Ликот на Мистер Бин е создаден во 80-тите години, а Аткинсон првпат го претставил на публика која не зборува англиски јазик на Фестивалот на комедија во Квебек во 1987 година, за да тестира дали хуморот може да функционира без дијалог. Кога тој и ко-сценаристот Ричард Кертис решиле да му дадат на ликот своја ТВ-емисија , се соочиле со еден проблем – нивниот главен лик сè уште немал име.
„Тука беше г-дин Кофлауер, г-дин Тиквички, дефинитивно разгледавме неколку предлози, а потоа Бин звучеше како кратко, остро, едносложно име со буквата Б во него . Генерално, зборовите што почнуваат на Б, според мене, се малку посмешни од оние што не почнуваат на таа буква “, ја објасни актерот својата необична теорија.
Воодушевувањето на фановите
Способноста на Аткинсон да создаде глобално препознатлив и сакан лик без ниту еден изговорен збор продолжува да ги фасцинира фановите денес. Неговото објаснување за името само предизвика повеќе пофалби на социјалните мрежи.
„Одлично е како има неверојатен речник и изговор, а е и еден од најдобрите неми актери “, напиша еден корисник. Друг додаде: „Лудо е како создаде толку популарен лик без да каже ниту збор“. Трет се пошегува: „Она што ме забавува во врска со ова е што бугарскиот збор за „грав“ е „боб“… а Роуан Аткинсон успеа да го направи смешно самото изговарање на името „Боб“!“
The post Роуан Аткинсон открива зошто неговиот лик се вика Мистер Бин: Знаеме кои биле сите потенцијални имиња appeared first on Во Центар.
