Москва рече дека овој потег е заради успешни мировни преговори.
Русија „драстично“ ја намали својата воена активност во близина на Киев и Чернигов додека разговорите со Украина влегуваат во „практична“ фаза, објави во вторникот заменик-министерот за одбрана Александар Фомин.
Зборувајќи за печатот по разговорите со украинската делегација, Фомин рече дека „донесена е одлука за драстично, во неколку наврати, намалување на воената активност на приодите кон Киев и Чернигов“.
„Очекуваме дека во Киев ќе бидат донесени релевантни клучни одлуки и ќе се создадат услови за понатамошна нормална работа“, рече тој.
Фомин ја повика Украина „целосно да ги почитува Женевските конвенции, вклучително и во однос на хуманиот третман на воените заробеници“.
Тој објасни дека оваа одлука е донесена поради фактот што „преговорите за подготовка на договор за неутралност и ненуклеарен статус на Украина, како и за обезбедување безбедносни гаранции за Украина“ влегуваат во „практична фаза“.
Намалувањето на активноста на руските сили е поради тоа „да се зголеми меѓусебната доверба и да ги создаде потребните услови за понатамошен развој на преговорите и постигнување на крајната цел за договор и потпишување на договорот“, рече Фомин.
Понатамошни детали рускиот Генералштаб ќе соопшти по враќањето на руската делегација од Истанбул, каде што се водеа преговорите, во Москва.
Пронајдете не на следниве мрежи:
