Украинската армија соопшти дека во ноќниот руски напад со ракети и беспилотни летала на пристаништето Одеса е ранета една жена, а тешко се оштетени зградите и пристанишната инфраструктура.
Ројтерс ги пренесува тврдењата на украинските воздухопловни сили дека нејзината противвоздушна одбрана уништила 19 беспилотни летала Шахид од иранско производство, како и 11 крстосувачки ракети и две хиперсонични ракети лансирани од Русија, примарно насочени кон Одеса.
Агенцијата Укринформ ги пренесува изјавите на Службата за вонредни ситуации на регионот Одеса дека во тој напад бил уништен хотелот „Одеса“ кој се наоѓал во тоа пристаниште на Црното Море.
- Хотелот во пристаништето во Одеса беше обележје и голема атракција за сите што некогаш биле во градот. Денеска Русија го уништи – соопшти службата.
Се вели дека хотелот за пристаниште е изграден во 2001 година и не е во употреба од 2011 година.
Нападот врз Одеса и овој хотел се случи само неколку дена по украинскиот ракетен напад врз седиштето на руската Црноморска флота во Севастопол, Крим.
Би-Би-Си во петокот објави дека нападот бил извршен за време на состанокот на командантите на флотата, а украинската војска тврди дека нападот резултирал со мртви и ранети.
Истиот ден Русија објави дека по нападот исчезнал еден морнар.
Пронајдете не на следниве мрежи:
