Најновиот тренд на ова поле е наречен „30 неделно“ и нуди навидум едноставен систем кој ќе ни помогне да ги задржиме килограмите под контрола и да му ги обезбедиме на организмот потребните хранливи материи.
Овој метод се базира на фактот дека во нашиот дигестивен систем има 40 трилиони бактерии кои извршуваат илјадници функции. Тие „извлекуваат“ хранливи материи од проголтаната храна, произведуваат витамини и супстанции како масни киселини, а нивната работа е тесно поврзана со здравјето на скоро секој орган во телото, вклучително и кожата и срцето, но и нашиот ум. Бактериите особено сакаат влакна во растителни состојки.
“30 неделно е синоним за разновидна диета – и ако тоа ќе поттикне некого да јаде подобро благодарение на броењето храна и одговорот на еден вид предизвик, од нутриционистичка гледна точка, повелете! Вистината е дека понекогаш ни треба „етикета“ за нешто што треба да се стори, и полесно да се следи, но мислам дека со малку труд и повеќе ќе можеме да ја следиме програмата 30 неделно за цел живот – на начин што не мора да биде 30 различни намирници , бидејќи понекогаш тоа нема да биде изводливо“, вели за овој тренд диететичар – нутриционистот Тања Олајџија.
Суштината на целиот овој принцип на исхрана е да се создаде најздрава можна средина за дигестивниот систем, така што целиот организам може понатаму да има корист од тоа.
Се препорачува внесување на 30 различни намирници од растително потекло, така што никој не би се ограничил на само неколку од нив, бидејќи дури и оние што се сметаат за „суперхрана“ може да одговараат само на одреден, ограничен број на бактерии.
“Дефинитивно се препорачува да се јаде што е можно повеќе различна храна – од наведените причини – секоја храна носи одредени хранливи состојки што ни се потребни. За жал, денес целата храна содржи и антинутриенти, а во зависност од начинот на одгледување може да има и голем процент на штетни хемикалии – и од таа причина добро е да не инсистираме на монотона диета и да менуваме што повеќе. Колку повеќе влакна и микроелементи од различно потекло земаме, ние му правиме одлична услуга на нашиот дигестивен тракт и создаваме силен микробиом чија важност и огромна улога во нашиот здравствен статус се повеќе се потенцира “, заклучува Олајџија.
