СДСМ и ВМРО-ДПМНЕ разменуваат спротивставени ставови за состојбата на економијата по две години од мандатот на Владата предводена од Христијан Мицкоски.
Од СДСМ обвинуваат за пад на животниот стандард, ниски плати, зголемен јавен долг и намалени странски инвестиции, оценувајќи дека Владата не ги исполнила ветувањата за подобар живот на граѓаните.
Од друга страна, ВМРО-ДПМНЕ посочува на официјалните статистички податоци според кои индустриското производство во 2026 година е зголемено за 7,6 проценти во однос на претходната година. Според партијата, растот е резултат на владините економски политики и финансиската поддршка за домашните компании, вклучително и кредитната линија од 230 милиони евра.
Бројките, според нив, покажуваат видливо раздвижување на терен каде зголемениот индустриски промет директно влијае врз отворањето нови работни места ширум земјата.
Од владејачката ВМРО-ДПМНЕ посочуваат дека економските мерки веќе се преточени во реални и опипливи резултати за менаџерите и работниците:
„Официјалните податоци на Државниот завод за статистика покажуваат дека индустриското производство во 2026 година бележи раст од 7,6% во однос на 2025 година, при што целокупната економска активност останува во позитивна зона, со раст од 0,2%. Ова е резултатот на економските политики на Владата, насочени кон конкретна и реална поддршка на домашните компании.“
Како главен двигател на овој економски развој и натамошното зголемување на извозот се издвојува конкретен индустриски сегмент.
Додека опозицијата предупредува на економски тешкотии и растечки трошоци за живот, владејачката партија тврди дека економијата бележи позитивни резултати, нови инвестиции и отворање работни места.
Македонската економија во моментов се наоѓа во длабока криза, додека државниот буџет е практично пред колапс поради лошите менаџерски политики.
Од Бихаќка алармираат дека до јуни е потрошен скоро целиот планиран дефицит за целата 2026 година во износ од 670 милиони евра, поради што ребалансот ќе биде неизбежен и исклучително тежок.
Опозицијата тврди дека странските инвестиции во земјава драматично паднале за дури 60 отсто, додека јавниот долг е енормно зголемен за над 2,5 милијарди евра за само две години власт на ВМРО-ДПМНЕ.
Дополнително, од партијата посочуваат дека економскиот раст е вештачки и базиран исклучиво на лична потрошувачка, а не на производство и извоз, што директно ја зголемува инфлацијата во државата.
The post СДСМ и ВМРО-ДПМНЕ со спротивставени тврдења за успехот на економските политики на Владата appeared first on Provereno.
Пронајдете не на следниве мрежи:
