![seve-699x430](https://cdn-5859be45f911ca35ec95022d.closte.com/wp-content/uploads/2024/05/seve-699x430-1-696x428.jpg)
Фудбалската репрезентација на Македонија отпатува во Хрватска, каде што в понеделник во Ријека ќе се судри со селекцијата на оваа земја.
Овој пријателски меч ќе биде еден од двата во јунскиот репрезентативен циклус.
Македонските фудбалери пристигнаа во Ријека и таму имаа срдечен дочек од музичка ѕвезда. Стануваше збор за екстра популарната Северина Вучковиќ, која си доби и посебен подарок.
За хрватската ѕвезда ФФМ изработи дресови со нејзиното име, а ѝ беа врачени од страна на Александар Трајковски и Столе Димитриевски.
За време на викендот Благоја Милевски ќе ги свика фудбалерите на тренинзи пред натпреварот против една од најуспешните селекции во изминатата декада.
Средбата против Хрватска се игра в понеделник во 19:00 часот, додека потоа нашите фудбалери патуваат во Чешка за тестот против оваа селекција.