„Посејдон“ – нова категорија на оружје
Иако во јавноста малку се знае за „Посејдон“, тој во суштина е комбинација од торпедо и беспилотно летало што може да се лансира од нуклеарна подморница, пишува британски „Телеграф“. Дизајниран е да испушта малку топлина и да се движи тивко при брзина поголема од 100 km/h. Станува збор за брод без екипаж на нуклеарен погон кој има практично неограничен домет и може да ја промени својата траекторија во лет.
Според западни разузнавачки извори, овие подводни уреди ќе бидат опремени со термонуклеарно оружје. Имено, просторот за носивоста (боевата глава) е наводно долг 6,5 метри, што е доволно за да се собере боева глава со моќност од 100-150 мегатони ТНТ. Американскиот портал „The Washington Free Bacon“ претходно изјави дека само еден „Посејдон“ ќе може да носи термонуклеарна боева глава со моќност од неколку десетици мегатони.
Во 2019 година руското Министерство за одбрана ја објави првата снимка од „Посејдон“, на која се гледа пробното пловење на подморница со мини нуклеарен реактор. Истата година, неименуван службеник од руската одбранбена индустрија изјави дека морнарицата планира да воведе повеќе од 30 Посејдони.
„Најголемото торпедо некогаш“
Според експертите, „Посејдон“ е сосема нова категорија на оружје што ќе го преобликува поморското планирање и во Русија и на Запад.
Сатон претходно изјави дека „Посејдон“, со очекуван пречник од два метри и должина од над 20, „е најголемото торпедо некогаш развиено од која било земја“. Тоа е 30 пати поголемо од обичното „тешко“ торпедо, рече тој.
Американската Конгресна служба за истражување (ЦРС) во април изјави дека „Посеидоните“ биле наменети како оружје за одмазда. ЦРС, исто така, изјави дека Белгород можеби е само првиот во флотата од четири подморници способни за Посејдон, од кои две се наменети за служба во руската Пацифичка флота и две во Северната флота.
Генералот на американските воздухопловни сили Џон Хајтен го опиша претходното појавување на беспилотното летало-торпедо од типот Посејдон како директна закана за САД, на што Вашингтон „мора итно да одговори“. Поранешниот официјален претставник на Пентагон, Марк Шнајдер, даде уште „пострашни“ прогнози, наведувајќи дека „Една руска подморница (Белгород) да може да проектира поголема количина на смртоносна радијација од целиот нуклеарен арсенал на Соединетите држави“.
Нуклеарна подморница на пат кон Арктикот
Во меѓувреме, извор од руското Министерство за одбрана во средата изјави дека најновата руска воена подморница на нуклеарен погон, Генералисимо Суворов, е на пат кон Арктикот.
- Таа го напушти Северодвинск во нејзината привремена база на Северната флота – изјави изворот за ТАСС.
Путин официјално ја вклучи оваа подморница во составот на руските сили на крајот на 2022. Тоа е шестиот брод од класата „Бореа“ кој ќе ги замени претходните класи на пловни објекти со постара генерација балистички ракети. Носи до 16 ракети со боеви глави кои можат да имаат повеќе од една нуклеарна боева глава.
Пронајдете не на следниве мрежи:
