Трагедија се случи вчера доцна попладне во скопско Драчево. Дваесетгодишник ја убил својата 66 годишна баба, по што сам се пријавил во полиција. Како што соопшти Основното јавно обвинителство – Скопје, дежурен јавен обвинител го раководел увидот на лице место каде што било пронајдено безживотно тело.
Според првичните информации станува збор за насилна смрт, а убиецот бидејќи сам се пријавил бил задржан во полициска станица. Се работи за момче на возраст од 20 години, внук на починатата – се наведува во соопштението на ОЈО.
По наредба на јавниот обвинител телото на починатата е предадено на обдукција.