Еден од најдобрите напаѓачи во последните 15 години, Роберт Левандовски, би можел да се пресели преку барата и да игра со Лео Меси во Интер Мајами.
Имено, договорот на Левандовски со Барселона истекува следната година, а тој може да преговара со други тимови веќе во јануари. Со оглед на тоа што има 37 години, најверојатната опција е дека нема да остане во каталонскиот тим следната сезона.
Славниот полски напаѓач на тој начин би му се придружил на Меси во Флорида, а целта на клубот е да создаде тим кој ќе може да ја одбрани титулата во шампионатот на МЛС во 2026 година. Ко-сопственикот на клубот, Дејвид Бекам, ја предводи потрагата по засилувања, а Левандовски се чини дека е на врвот на листата на желби, пишува Goal.com.
Според полскиот новинар Марек Јозвјак, Интер Мајами веќе почнал да бара сместување за Левандовски и неговото семејство во Флорида. Тие веруваат дека постои голема веројатност 37-годишниот напаѓач да патува во Соединетите Држави следното лето, потенцијално по неговите настапи на Светското првенство.
Самиот Левандовски претходно изјави, кога беше прашан за неговата иднина по истекот на договорот: „Не знам дали ќе бидам во Барселона или некаде на друго место. Наскоро ќе одлучам за мојата иднина. Одлуката нема да зависи само од спортски фактори, туку и од емоционални.“
