– По пауза од два натпреварa поради повреда, Нејмар се врату во составот на Бразил и вечерва го предводи нападот на Кариоките на осминафиналниот дуел против Јужна Кореја на Светското првенство во Катар.

Нејмар го повреди десниот скочен зглоб на натпреварот против Србија во првото коло од групната фаза по што ги пропушти следните два дуелa против Швајцарија и Камерун.

Дуелот меѓу Бразил и Јужна Кореја започна од 20 часот на стадионот „974“ во Доха.

На полувреме Бразил имаше водство од 4:0. Стрелец на првиот гол беше Винициус додека Нејмар го зголеми водството со удар од белата точка. Ричарлисон го постигна третиот гол а Пикета погоди за 4:0.

Победникот од овој натпревар во четвртфиналето ќе игра против Хрватска, која претходно денеска на пенали ја совлада Јапонија.