Апелациски суд на САД му дозволи на претседателот Доналд Трамп да го ограничи пристапот на новинари на Асошиејтед Прес на некои настани во Белата куќа.
Во февруари, Белата куќа им забрани на новинарите на АП да присуствуваат на настани во Овалната соба и да бидат во авионот „Ер Форс Уан“ поради уредувачката политика на новинската агенција, поточно спорот околу името на Мексиканскиот Залив, кој Трамп го преименува во Мексикански Залив. АП тужеше тројца високи помошници на Трамп, тврдејќи дека ограничувањата ја кршат гаранцијата за слобода на говорот на Уставот на САД.
На 8 април, окружниот судија на САД Тревор Мекфаден ја поништи наредбата на Белата куќа.
Апелациски суд на округот Колумбија привремено ја блокираше синоќа наредбата на судијата Мекфаден со која се бараше од администрацијата на Трамп да им дозволи на новинарите на АП пристап до прес-конференциите во Овалната соба, „Ер Форс Уан“ и Белата куќа додека тужбата на новинската агенција е во тек. Апелацискиот суд во своето образложение напиша дека наредбата на понискиот суд „ја нарушува независноста и контролата на претседателот врз неговиот личен работен простор“. АП издаде соопштение во кое изразува разочарување од одлуката на судот и наведува дека ќе разгледа какви мерки ќе преземат.
