Состојки
Фил 1
2паковки пудинг од ванила
500мл вода
150 гр маргарин
150 гр шеќер во прав
7 лажици шеќер
фил 2
150гр мелени ореви,бадеми,лешници
200 гр мелени бисквити
180мл фанта ( или некој сок од портокал )
50гр кандирани коцки од портокал.
100 гр шеќер во прав
100 гр маргарин
Пандишпан
90мл масло
200гр брашно
10лажици мелени ореви
10 лажици шеќер кафен
1 пециво
250мл сокод порокал или фанта газиран сок
Декорација
100гр брашно од бадеми
150 гр маргарин
150 гр шеќер во прав
5-6 природни декорации ( шишарки,гранчиња ) лампиончиња
Почитувани пријателки овде,почитувани МР.
Полека но сигурно стасав до мојот јубилеен 800 ти рецепт.
Потполнив уште една стотка од нови,разни,интересни рецепти кои се надевам дека ќе послужат на многу млади, нови,па и искусни домаќинки,за учење, промена и размена во кујната.
На секој јубилеј, му се радувам како на прв.
Се радувам што што сум овде со вас.
Време е на пости,затоа решив мојот 800 ти рецепт да биде посна торта.
Овој спој на посни состојки,направи едно убаво дело,една зимска бајка.
Тортата лесна за изработка,да може секој почетник да ја приготви.
Украсувањето си го оставив на мојата фантазија и искрено уживав во истата.
За подготовка на пандишпанот не ми требаше миксер.
Ги споив течните со сувите состојки.
Брашното го помешав со пецивото, додадов 10 лажици шеќер и 15 лажици мелени ореви.
Откако ја промешав смесата додадов 80 мл масло и 250 грама фанта.
Мешав убаво да ги соединам состојките, а кога смесата беше готова ја префрлив во калап за печење.
Печев во претходно загреана рернана 180 степени.
Откако се испече, ја оставив да излади, а потоа ја пределив на два дела.
Филовите ги приготвив пред да почнам да го печам пандишпанот, па затоа веднаш почнав да ја филувам.
Го ставив едниот делод пандишпанот, го премачкав со филот од ореви и бисквити.
Потоа го нанесов и вториот пандишпан, а врз него го послав белиот фил.
Ја израмнив добро, ја ставив во ладилник да стврдне филот.
Откако излади ја премачкав од страната со преостанатиот фил, ја израмнив и ја оставив за да размислам како би ја декорирала.
Филот го спремив на следниот начин
Приготвив два сада.
Во едниот сад ставив 125 гр маргарин и го изматив со 100 гр шеќер во прав.
На страна сварив 2 пудинзи од ванила во 500 мл вода.
Ставив и 5 лажици шеќер.
Откако истина го помешав со маргаринот, додадов кандирани коцки портокал.
Вториот фил го приготвив на следниот начин.
Во сад изматив 125 гр маргарин, а потоа додадов 100 гр, темен шеќер.
Во друг сад додадов 220 гр мелени бисквитии 150 гр мелени бадеми.
( овде може да ставите јаткасти плодови по вкус ) ги прелеав со сок од портокал и ги измешав добро.
Ги соединив со преходно матениот темен шеќер и маргарин.
Измешав добро.
Ова е една краситка торта,во која доминира портокалот.
Се надевам дека ви се допадна.
Декорацијата може да ја смените,ова беше мојот избор.
На здравје и среќни празници.
