Американскиот претседател Доналд Трамп изјави дека планира да ги зголеми царините за увоз на челик во САД од 25 на 50 проценти, зголемувајќи го притисокот врз глобалните производители на челик и ветувајќи дека ќе ја продлабочи својата трговска војна.„Ќе воведеме зголемување на царината од 25 проценти. Ќе ги зголемиме царините за челик во Соединетите Американски Држави од 25 проценти на 50 проценти, што дополнително ќе ја зајакне челичната индустрија во Соединетите Американски Држави“, рече тој на митинг во Пенсилванија.Во февруари, Трамп ги зголеми царините за челик и алуминиум на 25 проценти „без исклучоци“, како една од неговите први акции за да им помогне на индустриите што се соочуваат со странска конкуренција, пишува CNN .Тарифите ќе се применуваат на милиони тони челик и алуминиум увезени од Канада, Бразил, Мексико, Јужна Кореја и други земји кои дотогаш извезуваа во САД без царина.Потоа тој напиша на социјалните мрежи дека повисоката такса ќе стапи на сила во среда, 4 јуни.Во 2018 година, кога Трамп воведе некои тарифи за челик во својот прв мандат, американското производство се прошири скромно, но ги зголеми трошоците за автомобили, алати и машини и го намали производството во тие индустрии за повеќе од 3 милијарди долари во 2021 година, откри Комисијата за Меѓународна трговија во анализа од 2023 година. Трошоците можеби ги надминаа придобивките.Вкупно, САД минатата година увезле железо и челик во вредност од 31,3 милијарди долари, според податоците на Министерството за трговија на САД. Канада беше водечки извор на железо и челик, испраќајќи 7,6 милијарди долари во САД.
Трамп ги зголемува царините на челик на 50 проценти – која земја се очекува да биде најтешко погодена?
