Американскиот претседател Доналд Трамп денес изјави дека „дури и не размислува“ за милијардерот Илон Маск и дека нема да разговара со него во блиска иднина.
„Дури и не размислувам за Илон. Тој има проблем. Кутриот има проблем“, изјави Трамп за CNN. Тој додаде дека очекува да не разговара со сопственикот на Тесла некое време, но дека „му посакува се најдобро“. Спорот меѓу американскиот претседател и поранешниот шеф на Одделот за владина ефикасност (DOGE) започна откако Маск го критикуваше законот за трошење и даноци на Трамп, кој влијае на бизнисот со електрични возила.
Трамп рече дека не е сигурен дека ќе биде во добри односи со Маск во иднина, а сопственикот на Тесла потоа го обвини републиканецот дека неговото име е на документите на осудениот педофил Џефри Епштајн. Потоа Трамп изјави за Политико дека не е загрижен за неговите несогласувања со Маск и дека „сè е во ред“, алудирајќи на намалување на тензиите.
