Американскиот претседател Доналд Трамп изјави дека е „изненаден“ од продолжените борби во Украина, но ја повтори својата намера да постигне решение за конфликтот. „Всушност, запрев осум војни.

Ми останува уште една. Малку сум изненаден од Путин, ова траеше подолго отколку што очекував“, рече Трамп во Белата куќа за време на состанокот со саудискиот престолонаследник Мохамед бин Салман.

Претходно, рускиот министер за надворешни работи Сергеј Лавров нагласи дека Русија е подготвена да разговара за политичките аспекти на решението со Украина и да работи во кој било формат.