Американскиот претседател Доналд Трамп разговараше со украинскиот лидер Володимир Зеленски за потенцијално примирје во конфликтот меѓу Киев и Москва, објави Си-Ен-Ен. Трамп така ги започна денешните дипломатски напори, наместо прво да разговара со рускиот претседател Владимир Путин, како што претходно се очекуваше, додава CNN.

Портпаролката на Белата куќа, Керолин Ливит, претходно изјави дека се очекува Трамп да се обрати до јавноста по телефонските разговори со Путин и Зеленски.

Во тек е телефонски разговор меѓу американскиот претседател Доналд Трамп и рускиот претседател Владимир Путин, објави Ројтерс, повикувајќи се на извори во Белата куќа.