Американскиот претседател Доналд Трамп објави дека Кина го прекршила трговскиот договор меѓу двете земји, со кој билатералните тарифи се намалени на 10 проценти за американската стока и 30 проценти за кинеската стока.„Пред две недели, Кина беше во сериозна економска опасност! Многу високите царини што ги воведов ѝ направија речиси невозможно на Кина да тргува на американскиот пазар, кој е убедливо пазар број еден во светот“, напиша Трамп на својата социјална мрежа TruthSocial.Како што тој понатаму истакна, прекинот на трговијата беше „разорувачки“ за Кина.„Многу фабрики беа затворени, а имаше и, благо речено, „граѓански немири“. Bидов што се случува и не ми се допадна – заради нив, а не заради нас. Брзо склучив договор со Кина за да ги спасам од она што мислев дека ќе биде многу лоша ситуација, и не сакав да видам како тоа се случува. Поради тој договор, сè брзо се стабилизираше и Кина се врати во нормала“, рече тој.Тој го нарече тоа „добра вест“ за која „сите беа задоволни“, но во остатокот од објавата рече дека договорот пропаднал.„Лошата вест е дека Кина, можеби не е изненадувачки за некои, целосно го прекрши договорот со нас. Нема повеќе да бидам толку љубезен кон нив“, рече Трамп.Да ве потсетиме дека по неколку рунди зголемување на царините, САД и Кина ги намалија царините на 30 проценти за кинеските стоки и 10 проценти за американските стоки.Сепак, ако треба да се верува на зборовите на Трамп, се чини дека договорот пропадна.
Трамп тврди дека Кина го крши трговскиот договор со Америка: „Повеќе нема да бидам фин со нив“
