Од Клиничкиот центар во Скопје вчера пријавиле дека на Детска клиника е донесено починато тригодишно дете од Кавадарци, кое од претходно имало здравствени проблеми.

– Лекар констатирал смрт, а во службен разговор, неговата мајка Т.Ѓ.С.(36) од Кавадарци изјавила дека околу 03.00 часот го однела во Општа болница Кавадарци, од каде ги упатиле во Клиниката за детски болести при Комплекс клиники „Мајка Тереза“ Скопје, каде што во 08.45 часот е констатирана смрт – соопштија од полицијата.

По наредба на јавен обвинител телото на починатото дете е предадено на обдукција.