(Пре)зрелите банани се прилично честа појава во повеќето домаќинства.
Иако не се баш убави за јадење сами бидејќи значително ја менуваат текстурата и вкусот, дефинитивно не треба да се фрлаат бидејќи од нив можете да направите вкусни десерти – кои не мора да се само леб со банана!
Палачинки
Состојки:
120 г сенаменско брашно
1 лажица прашок за пециво
½ лажичка цимет
¼ лажичка сол
1 и пол голема зрела банана
1 големо јајце
175 мл млеко
Подготовка:
Во сад со средна големина, измешајте го брашното, прашокот за пециво, циметот и солта. Во друг, поголем сад, изматете ги бананата и јајцето додека не се соединат. Додадете го млекото, а потоа додадете ги сувите состојки. Тестото ќе биде малку грутчесто.
Загрејте голема тава со нелеплива површина на средна температура и додадете многу малку масло.
Користејќи мерна чаша, истурете 3-4 круга тесто во тавата. Печете ги палачинките додека не нараснат одозгора и не поруменат одоздола, 2-3 минути, потоа превртете ги и печете ги од другата страна додека не нараснат и не се испржат целосно, уште неколку минути. Сервирајте по желба со чоколаден намаз, џем, јаворов сируп…
Мафини со банана и чоколадни трошки
Состојки:
190 г брашно за сите намени
1 лажичка прашок за пециво
1 лажичка сода бикарбона
1/2 лажичка сол
1 лажичка цимет
1/4 лажичка мелено морско оревче
околу 4 средни или 3 големи зрели банани
85 г несолен растопен путер
135 г шеќер
1 големо јајце, на собна температура
1 лажичка чист екстракт од ванила
2 лажици (30 мл) млеко
сечкани ореви или чоколадни трошки, по желба
Подготовка:
Загрејте ја рерната на 220°C и подгответе калап за 12 мафини, така што ќе го обложите со хартиени чашки или ќе го намачкате со малку масло. Измешајте брашно, прашок за пециво, сода бикарбона, сол, цимет и морско оревче во средна чинија и оставете настрана. Во голем сад или во сад од миксер, изгмечете ги бананите. На средна брзина, изматете или матете го стопениот путер, кафеавиот шеќер, јајцето, екстрактот од ванила и млекото.
Истурете ги сувите состојки во влажните состојки, па матете додека не се соедини. Ако додавате јаткасти плодови или чоколадни трошки, додадете ги и тие. Тестото ќе биде густо! Ставете ја смесата во калапите со лажица и наполнете ги до врвот.
Печете 5 минути, а потоа, држејќи ги мафините во рерна, намалете ја температурата на рерната на 180°C. Печете дополнителни 16-18 минути или додека чепкалка за заби забодена во средината не излезе чиста.
Оставете ги мафините да се изладат 5 минути во калапот, а потоа префрлете ги на решетка за да се изладат.
Сладолед од банана
Состојки:
2 зрели излупени банани, исечени на парчиња и замрзнати
2-4 лажици млеко
1 лажичка екстракт од ванила
Подготовка:
Ставете ги замрзнатите банани во процесор за храна и испасирајте ги, додавајќи екстракт од ванила и само неколку лажици млеко за да му дадете на „сладоледот“ од банана мека текстура за сервирање.
Сервирајте во корнет, во чаша парфе со овошје или како сладолед-торта со чоколаден сируп.
