Силувач и убиец кој побегнал од јужноафрикански затвор лажирајќи ја сопствената смрт е уапсен во Танзанија.

Табо Бестер е на слобода една година откако се претпоставуваше дека умрел откако се самозапалил во затворската ќелија. Потрагата беше започната минатиот месец, откако новата обдукција покажа дека телото всушност не е негово.

Бестер беше фатен во петокот со својата девојка која е третоосомничена и ќе биде екстрадиран во Јужна Африка. Полицијата соопшти дека верува дека триото имало намера да побегне во соседна Кенија.

Бестер е познат како „Силувачот од Фејсбук“ бидејќи ја користи оваа социјална мрежа за да ги намами своите жртви.

Тој беше осуден во 2012 година за силување и убиство на неговата девојка – моделот Номфундо Тихулу. Една година претходно, тој беше прогласен за виновен за силување и ограбување на уште две жени. Во мај беше објавено дека тој бил пронајден мртов во својата ќелија откако очигледно се самозапалил во поправниот центар Мангаунг во Блумфонтејн, јавува Би-Би-Си.

Сепак, на крајот на минатата година, локалните медиуми почнаа да предизвикуваат сомнеж за смртта на Бестер. Во март, полицијата отвори нова истрага за убиство, откако дополнителните тестови покажаа дека починатиот не е Бестер – и дека неидентификуваното лице починало од удари на главата со тап предмет.

Вработените во британската безбедносна компанија G4S, која го водела затворот во кој бил задржан, се обвинети дека му помогнале да избега.

Во врска со инцидентот се наведува дека се отпуштени тројца вработени. Претходно оваа недела, претставници на организацијата не присуствуваа на состанокот во парламентот за бегството на Бестер.

БиБиСи се обрати до G4S за коментар. Имаше тврдењата дека тој купувал намирници во богатото предградие на Јоханесбург и живеел во изнајмен замок таму. Бегството на Бестер предизвика бес во Јужна Африка, која има една од највисоките стапки на сексуални напади во светот.