Откако Русија заплени три украински поморски бродови, во теснец во близина на полуостровот Крим кој е анектиран од Русија, украинскиот Парламент гласаше „за“ прогласување на воена состојба во период од 30 дена која ќе стапи на сила утре. Иако претходеше вжештена дебата пратениците, сепак, го поддржаа барањето на претседателот Петро Порошенко.
Законот за воведување на воена состојба ќе биде спроведен во реоните на земјата кои се најчувствителни на „руската агресија“.
