УШТЕ ЕДНА ТРАГЕДИЈА: Загина македонска државјанка во сообраќајка во Хрватска

Македонска државјанка загина денеска на автопатот А3 кај Окучани во Хрватска кога возилото со германски регистарски ознаки во кое била совозач излетало од коловозот во одводен канал и се превртело на покрив.
Од полицијата на Бродско-посавската жупанија информираа дека сообраќајката се случила изутрината околу пет часот. На местото на настанот веднаш биле испратени екипи на полицијата, противпожарни единици и Брза помош, пренесува Хина.


Потврдено е дека една жена државјанин на Македонија загинала, а возачот исто така македонски државјанин е повреден, но одбил лекарска помош.
Портпаролката на полицијата Ката Нујиќ изјави дека се врши увид на местото на сообраќајката и се утврдуваат околностите како се случила.

Пронајдете не на следниве мрежи:©ПУЛС24.МК Вестите на интернет страницата на редакцијата ПУЛС24.МК може да се користат исклучиво за лично информирање. Без писмена дозвола од ПУЛС24.МК или посебен договор, не е дозволено преземање, користење или реемитување на вестите.