Денес, фармацевтските компании „Фајзер“ и „Бајонтек“ доставија до Американската администрација за храна и лекови прелиминарни резултати од тестирањето на употребата на нивната вакцина против вирусот корона за деца на возраст од пет до 11 години.
Компаниите најавија дека наскоро ќе испратат официјално барање до ФДУ за одобрување на вакцината за деца од оваа возраст, бидејќи тестовите покажале дека вакцината е ефикасна и безбедна и за нив, пренесуваат агенциите.
Вакцината претходно беше одобрена за употреба кај деца постари од 12 години, и во Соединетите држави и во европските земји.
