Актуелниот светски првак, Себастијан Фетел, ќе стартува од пол позицијата на втората трка во Формула 1 шампионатот, Големата награда на Малезија.
Германецот до 39-та пол позиција стигна откако на патеката Сепанг, во квалификациите, извозе најбрз круг со време од 1:49.674 минути. Фетел најдобро се прилагоди на променливите временски услови и влажната патека и во однос на најблискиот конкурент имаше речиси една секунда предност. Трката во Малезија, од првиот стартен ред, веднаш до Фетел ќе ја започне Фелипе Маса, кој во последниот круг од квалификациите го мина на второто место тимскиот колега Фернандо Алонсо. Шпанецот од вториот ред ќе стартува заедно со Луис Хамилтон кој го освои четвртото место. Третиот ред го комплетираа Марк Вебер (Ред Бул) и Нико Розберг (Мерцедес), а зад нив ќе трката ќе ја започнат победникот од Мелбурн Кими Раиконен (Лотус), Џенсон Батон (Мекларен), Адријан Зутил (Форс Индија) и Серхио Перез (Мекларен). Втората трка во 64-то првенство на Формула 1, Големата награда на Малезија ќе се вози во недела со почеток во 9 часот по средноевропско време.
Makфакс
Актуелниот светски првак, Себастијан Фетел, ќе стартува од пол позицијата на втората трка во Ф
