ЕП претходно усвои Резолуција со која Русија е државен спонзор на тероризмот
Веб-страницата на Европскиот парламент денеска беше мета на хакери набргу откако Русија ја прогласи за државен спонзор на тероризмот.
Претседателката на Европскиот парламент Роберта Мецола објави дека одговорноста за хакерскиот напад ја презела хакерска група блиска до Кремљ.
Денеска Европскиот парламент усвои Резолуција со која Русија е означена како држава спонзор на тероризмот и наведува дека воените напади врз цивилни цели се „кршење на меѓународното право“.
„Веб-страницата на ЕП во моментов е недостапна поради високите нивоа на надворешен мрежен сообраќај“, рече портпаролот на ЕП.
