Претседателот на АБК, Рамуш Харадинај упати низа критики кон косовскиот премиер Албин Курти бидејќи, како што наведе, го оставил Косово без поддршка од НАТО, ЕУ и САД.
Харадинај на Фејсбук изјави дека Курти ги подели Албанците на Косово и дијаспората и дека тој е најголемиот непријател на Косово.

„Не остави без НАТО, без САД, без ЕУ. Не стави под санкции. Го ослабна бизнисот, ги исцрпи работниците во приватниот и јавниот сектор. Тоа нè направи зависни од увозната енергија и ја поскапи, а таа сè уште поскапува. Тој ги деградираше вредностите на слободата со исклучување на ветераните на ОВК од минималната плата со помош на Српската листа. Не подели во Косово, но и во регионот, со сите Албанци, па и во дијаспората. Ова е зло“, напиша тој.