Најмалку пет лица беа убиени во израелски воздушен напад врз јужниот либански град Арабсалем утрово и покрај прекинот на огнот договорен еден ден претходно меѓу Израел и Хезболах, во меѓувреме се јави и портпарол на Хезболах.
Либанскиот државен медиум NNA објави дека израелски авиони и беспилотни летала извршиле серија напади низ областа Набатија во текот на ноќта и утрото, уништувајќи станбени згради и куќи, додека израелската артилерија го гранатирала Набатија и неговите предградија пред зори.
По нападот, се обрати претставникот на Хезболах, Хасан Фадлалах, кој рече дека тие имаат право да одговорат на израелските напади.
„Се зборува за прекин на огнот. За нас е важно непријателот целосно и сеопфатно да го почитува прекинот на огнот и да не се обидува да ја нападне нашата земја и села или да се стреми да заземе нови позиции. Отпорот има целосно право да се соочи со овој непријател кога нè напаѓа, бидејќи е агресор и окупатор“, рече тој.
Нападите се случуваат откако Израел и Хезболах постигнаа договор за прекин на огнот неколку часа по новото избувнување на борбите во јужен Либан, во кое загинаа четворица израелски војници, а десетици Либанци беа ранети.
Сепак, обновениот прекин на огнот изгледа многу кревок бидејќи не доведе до повлекување на Израел од големата тампон-зона што ја воспостави во јужен Либан.
The post Хезболах се закани дека ќе одговори по смртоносните израелски напади: „Имаме право да му се спротивставиме на агресорот“ appeared first on Во Центар.
