Хирургот Томислав Новосел заедно со медицинскиот тим од КБ Дубрава во Хрватска неодамна на пациент хируршки извадиле тироидна жлезда тешка дури два килограми.
Во телевизиската програма за емисијата RTL Danas зборуваа хирургот Новосел и 73-годишната пациентка Љиљана Мркиќ од Дуга Рес кај Карловац, на која и беше отстранета тироидната жлезда.
„Госпоѓа Мркиќ навистина имаше огромна тироидна жлезда. Може да се каже дека беше речиси поголема од нејзината глава или уште поголема. Беше доста изразено од двете страни“, објасни хирургот Новосел.
Инаку, операцијата на тироидната жлезда се смета за една од најкомплицираните зафати, но со оглед на тоа што просечната тироидна жлезда тежи само 15 грама, ова беше навистина ризична операција.
Самата операција на тироидната жлезда е операција со висок ризик бидејќи имаме многу структури на мало место на вратот“, рече тој.
Новосел објасни дека ваквите операции се многу ретки и се случуваат еднаш на секои две години. Сепак, како што наведува, оваа операција била без компликации и пациентот после три дена можел да си оди дома.
Г-ѓа Љиљана откри дека со овој проблем се борела повеќе од 50 години и дека се плаши од операција. Поради зголемена тироидна жлезда имала проблеми со зборувањето, брзо се заморувала и имала вртоглавица.
Сега апелира до сите кои имаат проблеми со тироидната жлезда да се грижат за своето здравје. Таа е благодарна на сите што ја поддржаа, но за тоа што не чувствува никакви последици.
Пронајдете не на следниве мрежи:
