Актерот и режисер Роб Рајнер (78) и неговата сопруга Мишел Сингер Рајнер (68) беа пронајдени мртви во нивниот дом во Брентвуд, Лос Анџелес.
Според неколку извори, тие биле убиени од нивниот син, кој, според медиумите, ги избодел до смрт.
Полицијата спроведува истрага која ќе открие подетално што точно се случило.
Рајнер беше актер и режисер чија работа опфаќаше различни жанрови, од култни комедии како „Невестата принцеза“ до номинираната за Оскар правна драма „Неколку добри луѓе“. Полицијата во Лос Анџелес ја истражува неговата и смртта на неговата сопруга поради сомнение дека биле убиени во нивниот дом.
Најзначајната улога на Рајнер беше како зет на Арчи и Едит Банкер во ТВ серијата „Сите во семејството“, за која освои две награди Еми во 1970-тите.
View this post on Instagram A post shared by Pubity (@pubity)
Рајнер е познат како режисер на култни филмови како што се „Кога Хари ја запозна Сали“, „Неколку добри луѓе“, „Мизерија“, „Невестата принцеза“, „Остани со мене“… Како актер, се појавил во дури 90 различни продукции.
Роден е во 1947 година во Бронкс, Њујорк. Неговите родители се Естел и Карл Рајнер, писател, актер, режисер и продуцент чија децениска работа вклучува филмови како што се „Шоуто на Дик ван Дајк“ и „Две илјади години стар“.
The post Холивудски актер и неговата сопруга пронајдени мртви: Сомневањата се дека се работи за грозоморно злосторство (ФОТО) appeared first on Во Центар.
