Последните информации кои ги пренесуваат светските медиуми за големиот пожар во париската катедрала Нотр Дам велат дека се урнала целата кровна конструкција. Неофицијално пожарот се случил за време на реконсртукција и реставрација на катедралата. Претседателот на Франција, Емануал Макрон ги откажал сите активности по веста за пожарот во оваа катедрала која е една од туристичките икони на Париз.

Покривот целосно падна, а пламенот доаѓа од задната страна на катедралата, како да е факел, објавува „France24“ на Твитер.
Пожарникарите се обидуваат да се справат со силниот пожар во внатрешноста на објектот, а полицијата го евакуираше целиот простор околу катедралата.