четврток, 19 ноември 2026
Најново

Цените на угостителските услуги не престануваат да растат

Претпочитан извор Додај го Пулс24 во твоите извори на Google Додај

Во октомври споредено со септември пораснале цените за угостителските услуги за 1,1 процент, додека пак во однос на октомври минатата година се зголемени за 6.1 процент, покажуваат податоците на Државниот завод за статистиска.

Според пресметките кумулативниот индекс на цените на угостителските услуги во периодот јануари – октомври во однос на истиот период лани е зголемен за 5,6 проценти, а во однос на декември минатата година за 3 проценти.

ПУЛС24.МК - 14 ГОДИНИ

Податоците покажуваат дека на годишно ниво ноќевањата поскапеле за 21,3%, алкохолот за 4,9% и храната за 2,1%.

На месечно ниво ноќевањата поскапеле за 5,9%, алкохолот за 0,3%, а храната за 0,2%.

Кумулативно за периодот јануари-октомври најмногу поскапеле ноќевањата за 13,5% и алкохолот за 5,6%. Храната што се нуди во овие објекти во истиот период поскапела за 3,4%.