Вчера вечер Сања Савиќ (20) од местото Уб во Србија ги отпеа песните „Dve muzike“ и „Oproštajna večera“ во „Ѕвездите на Гранд“, а потоа дојде до конфликт помеѓу Цеца Ражнатовиќ и Драган Стојковиќ Босанац, кој можеа да го видат и македонските гледачи во синоќешната емисија на Канал 5 телевизија.
Цеца одби да биде во трка за ментор на Сања заедно со Ана Бекута, Босанац, Вики Миљковиќ и продукцијата.
– Мене девојката ми беше одлична. Посебно првата песна, во втората немаше Бог знае што да се пее, рече Босанац и така ја „пецна“ Цеца која ја пее оваа песна во оригинал, како и Мили, нејзиниот творец.
– Ти рече дека нема тука што да се пее – му замери Ражнатовиќ, а и Мили негодуваше, објаснувајќи дека има височини во песната кои тешко се пеат.
После ова, започна отворена кавга меѓу Цеца и Босанац. Хармоникашот жестоко ја навреди Цеца кога рече дека Марија Шерифовиќ била пејачиште, а Цеца само популарна пејачка.
– На пример, Марија е пејачиште, а Цеца е популарна пејачка – додаде тој.
После ова, следеше „спуштање“ од Цеца, која во кавгата ја вмеша и ќерката на Босанац.
– Значи, кога си толку добар продуцент, зошто твојата ќерка не ја направи ѕвезда?, го праша таа.
На ова Босанав реагираше и рече дека неговата ќерка немала „соодветен спонзор“.
– Мојата ќерка немаше соодветен спонзор и моментално завршува факултет, објасни Драган, додека другите во студиото молчеа и внимателно слушаа.
Во кавгата повремено во одбрана на Цеца се вклучуваше и нејзината кумашинка Вики Миљковиќ, која го обвини Босанац за дојава, односно дека претходно бил договорен со кандидатката дека ќе и биде ментор.
Цеца кон Босанац: Зошто од ќеркати не направи ѕвезда ако си толку добар продуцент?
