ЧЕТВРТИОТ ПАКЕТ ЕКОНОМСКИ МЕРКИ ЌЕ ТЕЖИ ДУРИ 350 МИЛИОНИ ЕВРА
Утре Владата на вонредна седница ќе расправа за овој сет на мерки.
Овој пакет да биде насочен кон поддршка и помош на најпогодените сектори и категории на граѓани.
„Четвртиот пакет економски мерки опфаќа поддршка за исплата на плати за последниот квартал на годината, платежни картички за одредени категории на граѓани на кои помошта им е најпотребна, грантови за најпогодените сектори, намалување или укинување на парафискални давачки, зголемување на грејс периодот кај бескаматните кредити од КОВИД 1 и дополнително одложување на отплата на кредитите од компаниите“ – рече вицепремиерот за економски прашања Фатмир Битиќи на денешната седница на Економско-социјалниот совет.
Со новите мерки повторно ќе има платежни картечки, ќе бидат опфатени и пенизонери со пониски пензии, ќе има евтини кредити за фирмите но и државни гаранции , даночни ослободување и субвенции за плати на вработени од фирми кои се најпогодени од корна кризата.
Четвртиот пакет економски мерки е доста обемен, со оглед на тоа дека се опфатени и компаниите со цел поддршка за нивни опстанок во време на корона пандемијата, задржување на работните места и поддршка на граѓаните.
Пронајдете не на следниве мрежи:
