Слаткарката Елоис Хед на својата Инстаграм страна „FitWaffleKitchen“ има многу брзи рецепти за оние денови кога ви се јадат вкусни слатки, а најновиот десерт изгледа одлично.
За подготовка ви се потребни само 20 минути бидејќи мафините се мали, па брзо се стегнуваат во фрижидер. Смесата е доволна за 12 мафини.
Потребни состојки:
– 200 гр. Орео колачи
– 60 гр. путер
– 200 мл. слатка павлака
– 400 гр. крем сирење
– 100 гр. шеќер во прав
– 120 гр. Нутела
Начин на подготовка:
Изблендирајте ги Орео колачите, а потоа во нив додајте го истопениот путер.
Во посебен сад изматете ја слатката павлака во шлаг, а во друг сад измешајте го крем сирењето, шеќерот во прав и Нутелата. Потоа, додајте го шлагот во смесата и промешајте.
Изблендираните Орео колачи втиснете ги во калапите за мафини, а потоа во секој од нив додајте од смесата. Измазнете ги врвовите со задната страна на лажицата и ставете ги во фрижидер околу 20-тина минути.
За крај, украсете ги мини чизкејковите со растопена Нутела и Орео.
