Неколку десетици членки на Организацијата за безбедност и соработка во Европа денеска го активираа Московскиот механизам на ОБСЕ за истрага за кршење и злоупотреба на човековите права во Белорусија.
Московскиот механизам на ОБСЕ, кој последен пат беше активиран на 28 јули 2022 година во врска со Русија, дава можност земјите-членки на ОБСЕ да испратат експертски мисии за да помогнат во решавањето на одредено прашање или проблем поврзан со таканаречена „човечка димензија“, т.е. „третата корпа“ на ОБСЕ.
Човечката димензија се однесува на сеопфатното разбирање на безбедноста во рамките на ОБСЕ, кое вклучува заштита и унапредување на човековите права и демократските норми.
Во однос на Белорусија, Московскиот механизам последен пат беше активиран во септември 2020 година, кога на него се повикаа 17 земји-членки на ОБСЕ.
Сега го активираа 38 земји-членки на ОБСЕ, вклучувајќи ги САД, Канада и 36 европски земји, вклучувајќи ги Република Северна Македонија, Србија, Црна Гора и Албанија од Западен Балкан
Пронајдете не на следниве мрежи:
