Сите сакаме да спиеме добро и да имаме мирни и убави соништа, но не е секогаш така, затоа што се случува за време на спиењето да доживееме и некои чудни работи, коишто можат да направат да се чувствуваме многу збунето откако ќе се разбудиме.
Синдром на експлодирање на главата
Лицето се буди поради силна „експлозија“ во главата. Може да слуша звуци или да гледа одблесок. Иако не е опасно, тоа е навистина застрашувачко.
Соништа што се повторуваат
Тие често се поврзани со нашите животи. Мозокот постојано ги повторува. Нема вистинско објаснување, но се верува дека соништата се повторуваат за да можеме да се соочиме со нив.
Парализа на сон
Време е да се разбудите, но не можете да ги движите мускулите или да зборувате. Знаете дека вашиот ум е буден, но вашето тело не е. Дури и да трае само неколку секунди, може да биде страшно.
Разговор во сон
Честа појава и трае околу 30 секунди. Обично се јавува во првите два часа од спиењето. Не е опасно, но е непријатно за луѓето што спијат покрај вас.
Вонтелесно искуство
Се нарекува невропсихолошки феномен. Во овој случај, лицето се гледа надвор од телото – свеста е надвор од телото и може да го види телото како лежи на креветот.
Месечарење
Феноменот кога вашата свест спие, но телото е будно. Значи, за време на спиењето, луѓето одат и дури можат да ја напуштат својата куќа. Кога лицето ќе се разбуди, не се сеќава на ништо.
