Шилегов објави фото од казната за возачот на Бентли на својот Фејсбук профил. Казната е симболични 45 евра. Дали е тоа доволна мерка заклучете сами.
И напиша: Во Скопје никој не е и никогаш нема да биде над законот!
Благодарност до МВР и министерот за брзата реакција. На сопственикот на Бентлито кое вечерва се движеше на градскиот плоштад му е врачен записник за сторениот сообраќаен прекршок.
МВР пак соопшти:
Министерството за внатрешни работи информира дека вечерва околу 19 часот е пронајден и санкциониран извесен Б.А. од скопско Арачиново, кој со автомобил марка „бентли“ со поголема брзина се движеше низ скопскиот плоштад, загрозувајќи ја сигурноста на присутните граѓани.
Од МВР порачуваат дека и во наредниот период најостро ќе ги санкционираат сите кои ќе го нарушат јавниот ред и мир и ќе ја загрозат безбедноста на граѓаните.
