Новак Ѓоковиќ, најдобриот тенисер на сите времиња, го освои својот 100-ти јубилеен трофеј победувајќи го Хуберт Хуркач со 2-1 во финалето на турнирот во Женева, во сетови 5-7, 7-6, 7-6.

Ѓоковиќ ја пропушти претходната шанса да постигне голема цел во Мајами, губејќи во финалето од Чехот Јакуб Меншик, но беше на висина на задачата во Швајцарија и им се придружи на Американецот Џими Конорс (109) и Швајцарецот Роџер Федерер (103) во клубот на играчи со троцифрен број титули.

Од стоте титули на Ѓоковиќ, 24 се највредни од Гренд слем турнири, 40 се од Мастерс, а седум се од финалните турнири во сезоната. Минатата година, Ѓоковиќ освои злато и на Олимписките игри во Париз, со што триумфираше барем еднаш на секој можен турнир.