Собраниската седница на која требаше да продолжи расправата за пристапување кон уставни измени сеуште не е започната. Иако беше најавена за 15 часот не се знае кога и дали воопшто ќе започне.
Во салата за пленарни седници веќе се присутни дел од пратениците од владејачкото мнозинство, а на галеријата има и бројни медиумски екипи. Единствено што нема е информации зошто повторно седницата не започнува во терминот што беше најавен. Првично, продолжението на оваа седница беше закажано за во 12 часот и по чекање од час и половина одложено за 15 часот.
Според информациите од Собранието, во зградата се уште е премиерот Зоран Заев кој пристигна околу 12 часот за кога првично беше најавено продолжението на оваа седница.
