Џенифер Анистон проговори за својот феноменален изглед и за редовното вежбање и урамнотежена исхрана. Во интервју за списанието Allure, Анистон откри дека го следи методот „80/20“ кога станува збор за здравјето и фитнесот.„Треба да уживате во животот, без прекумерни ограничувања – освен оние поврзани со тешки дроги. Тоа е мојот пристап 80/20. 80 проценти од времето живеам здраво, а останатите 20 проценти – уживајте во мартини, јадете пица или хамбургер , останете будни до доцна со пријателите, тоа е рамнотежа“, рече Анистон.Исто така, актерката напоменала дека вежба најмалку четири пати неделно.„Кога работам, понекогаш можам да тренирам само два или три пати, но ако вежбам, тоа е најважно“, додаде таа. Џенифер истакна дека тренинзите за сила се клучни за жените во 50-тите години.“Ако изгубиме мускули, коските стануваат послаби и може да се појави остеопороза. Ако паднеме, лесно можеме да го скршиме колкот”, вели таа.Покрај тоа што се посветува на физичкото здравје, Анистон подеднакво внимание посветува и на менталното здравје.“Мораме да ги сакаме нашите тела. Тие прават најдобро што можат. Тие се со нас од моментот кога сме родени и не можеме да бидеме премногу строги со нив”, рече таа. Актерката додаде дека на почетокот на кариерата имала проблеми со самодовербата, но дека со текот на времето ја сменила перспективата.„Се разбира, сите ќе старееме, но како можеме да напредуваме како што старееме? Важно е на нашите тела да му го посветиме вниманието што го заслужуваат. Лично, јас ги сакав моите 30-ти, но моите 20-ти беа тежок период. Не ја разбирав важноста на вежбањето до 30-та и 40-тите години“, истакна таа.Кога станува збор за нејзиниот пристап кон менталното здравје, Џенифер има едноставно мото: „Се што можете да направите е најдоброто што можете“.Таа откри дека секое утро практикува медитација и истегнување пред спиење. Сепак, таа призна дека имала „навистина тешка врска“ со спиењето во последните 10-15 години.