Канадско-американскиот актер Џим Кери ја доби наградата за животно дело на 51-то издание на наградите „Сезар“ што се одржа во салата „Олимпија“ во Париз. Неговиот изглед го привлече вниманието на многу корисници на социјалните мрежи.
Наградата му ја врачи Мишел Гондри, режисер на филмот „Вечната сончева светлина на беспрекорниот ум“.
„Како актер, секој лик што го играш е како глина во рацете на скулптор, која ја обликуваш според желбата на твоето срце. Многу сум среќен што ја споделив оваа уметност со толку многу луѓе кои навистина ми ги отворија своите срца“, рече Џим Кери на француски јазик, меѓу другото.
Quelle classe Le discours en français du César d'honneur, Jim Carrey.De The Mask à The Truman Show, en passant par Eternal Sunshine of the Spotless Mind, il a conquis nos cœurs et reçoit un hommage plus que mérité. pic.twitter.com/wVdCpG6Ay8— CANAL+ (@canalplus) February 26, 2026
Тој понатаму изјави дека неговите предци се од Франција и дека оваа награда е посебна чест за него.
„Ви благодарам на моето прекрасно семејство, мојата ќерка Џејн и мојот внук Џексон. Ве сакам сега и засекогаш. Ви благодарам на мојата прекрасна придружничка Мина. Те сакам, Мина. И конечно, ви благодарам на најсмешниот човек што некогаш сум го познавал, мојот татко Перси Џозеф Кери, кој ме научи на вредноста на љубовта, дарежливоста и смеата“, рече тој.
Корисниците на социјалните мрежи велат дека актерот изгледа значително поинаку и шпекулираат дали направил естетска хирургија.
„Тој веќе не личи на себе“, „Вака изгледаш кога ќе претераш со операции“, „Ова не е Џим Кери“, се некои од коментарите за Х.
The post Џим Кери стана тема на социјалните мрежи поради својот изглед: Дали се подложил на процедури? (фото) appeared first on Во Центар.
