Џорџ Клуни откри едно посебно правило што го следи во бракот со Амал Клуни.
Парот се венча во 2014 година и ги имаат близнаците Александар и Ела. Тие се познати на јавноста по нивната хармонична врска, а Клуни сподели еден детаљ што придонесува за тоа.
Како што објасни, Клуни откако разговарал со сопругата Амал одлучил дека повеќе нема да бакнува други жени во филмски улоги. Тој ја донел оваа одлука кога имал 60 години.
„Се обидувам да одам по патот на Пол Њуман, за да не бакнувам девојки повеќе. Кога наполнив 60 години, разговарав со сопругата и ѝ реков: „Сè уште можам да играм кошарка со момци. Играм со 25-годишници. Сè уште можам да издржам, во форма сум, но за 25 години ќе имам 85. Не е важно колку гранола чоколатца јадете, тоа е реална бројка“, рече тој.
Клуни се потсети и на својата прва средба со Амал во 2013 година, признавајќи дека не мислел дека има никакви шанси со неа поради големата разлика во годините.
„Не мислев дека имам многу шанси со неа, бидејќи бев 17 години постар, а таа изгледаше како да има сè што ѝ треба“, изјави Клуни за „Њујорк тајмс“.
Во претходно интервју за „Холивуд репортер“, тој рече дека Амал веднаш го освоила.
„Мислев дека е убава, забавна и многу паметна. Веројатно мислеше дека сум стар. Се допишувавме, си испраќавме е-пошта, разговаравме, главно за тоа што се случуваше во нашите животи, и со текот на времето стана јасно дека сме повеќе од пријатели“, рече тој.
The post Џорџ Клуни ги открива правилата што ги следи во бракот: Решив повеќе да не бакнувам девојки на снимање appeared first on Во Центар.
