Децата од мали учат од сè што гледаат и слушаат од родителите. Иако да се биде родител не е лесно, да се биде мудар родител е уште потешко.
Според Steemit, постојат одредени разлики помеѓу просечниот и мудриот родител и токму овие ситници можат да имаат огромно влијание на децата во текот на детството.
Просечниот родител го поминува слободното време со детето, додека мудриот родител се грижи за себе, давајќи му добар пример на детето.
Додека растат, децата треба да истражуваат што е можно повеќе, а кога не им дозволувате време за себе, почнуваат да се двоумат кога ќе наидат на нови работи. Затоа, потрудете се да му дадете простор на вашето дете за да стане позрело и независно, а притоа да се грижи за себе за да види кое однесување е правилно.
Просечниот родител се справува со последиците од проблемот, а мудриот се справува со неговите причини.
Повеќето родители често ги казнуваат своите деца кога ќе направат нешто погрешно и не размислуваат за причините што довеле до тоа. Ова е погрешно затоа што ако не научи што згрешило и што довело до проблемот, детето постојано ќе го повторува истото. Затоа мудрите родители обрнуваат внимание на решавање на причината.
Просечен родител ги дава одговорите, а мудриот ги учи децата сами да ги пронајдат.
Учењето детето да биде независно ќе му го олесни животот во иднина. Психолозите препорачуваат да не му правите услуга со тоа што ќе му најдете решение за проблемот, туку понекогаш и да му дозволите да го реши проблемот што го има затоа што тоа е правилен начин на учење.
Просечниот родител го споредува детето со другите, додека мудриот го поттикнува детето да си биде свое, посебно.
Една од најголемите грешки што може да ги направи родителот е да го спореди своето дете со друго.
„Зошто не си како него“, „Тој никогаш не би го направил тоа“, „Како може тој, а ти не“, се само дел од речениците кои често ги изговараат родителите кои не размислуваат за последиците на нивните изјави, предупредуваат експертите.
Просечниот родител бара детето да си го одржи зборот, додека мудриот со сопствен пример покажува како се прави тоа.
Кога даваме ветување, тоа треба и да го исполниме, но не треба детето да го принудите на тоа. Покажете му со ваш, личен пример како се однесува одговорна личност и вашето дете со сопствени очи ќе види како треба да се однесува.
Просечниот родител се грижи детето никогаш да не згреши, додека мудриот знае дека грешките се дел од животот.
Иако е сосема разбирливо дека ниту еден родител не сака неговото дете да влезе во неволја или да наиде на проблем, мора да бидеме реални и да признаеме дека тоа е неизбежно. Затоа, понекогаш дозволете му на вашето дете да згреши, оставете го да учи од сопствените грешки, а тоа ќе го направи посилно и поодговорно во иднина.
Просечниот родител вели „не го прави тоа“, додека мудриот вели „размисли на последиците“
Родителите често обрнуваат премногу внимание на своите деца за да не направат нешто погрешно, но она што забораваат е да им ја кажат причината за тоа. Кога детето не знае зошто не смее да прави или да каже одредена работа, разбирливо е дека тоа нема да го избегне, па дури и ќе го повтори. Затоа е важно родителот да му укаже на детето на можните последици од неговите постапки или зборови.
Просечниот родител се труди да биде совршен, а мудриот родител е свесен дека не е совршен.
Мудриот родител се обидува да му го објасни ова на своето дете, не дозволувајќи му да формира мислење дека родителот е безгрешно суштество кое никогаш не згрешило. Апсолутно никој од нас не е совршен, а мудриот родител знае дека треба да го подготви детето за тоа уште од мали нозе.
Просечниот родител мисли дека е учител, додека мудриот родител сфаќа дека е неопходно да се биде многу повеќе од тоа
Родителите по природа се авторитативни, но од нив зависи како ќе се однесуваат со своето дете. Кога ќе станете пријател со вашето дете, тоа му дава самодоверба вистински да ви верува и тој почнува да споделува сè со вас, дури и најголемите проблеми што повеќето деца ги кријат од своите родители.
Просечниот родител му кажува на детето што да прави, додека мудриот му покажува на детето зошто начинот што го предлага е подобар.
Кога ќе наметнете одлука на вашето дете, тоа речиси секогаш го прави спротивното, но кога ќе се обидете да му објасните кој пат да го избере и зошто, тоа може да му помогне на крајот да ја донесе вистинската одлука.
Родителите често мислат дека е невозможно да се расудува со детето, но тоа не е секогаш така. Строгите родители воспитуваат строги деца, а мудрите родители растат одговорни деца.
